سابقہ دور کی زیادتیوں کا ازالہ کیا جائے گااور لوٹ مار کرنے والوں سے پائی پائی کا حساب لیا جائے گا۔وزیراعلی پنجاب

پتوکی ۔ وزیراعلی پنجاب سردار دوست محمد کھوسہ نے کہا ہے کہ سابقہ حکمرانوں نے جس دیدہ دلیری سے عوامی دولت لوٹی ہے اس کی کہیں مثال نہیں ملتی۔ اب عوامی حکومت آچکی ہے۔ سابقہ دور کی زیادتیوں کا ازالہ کیا جائے گااور لوٹ مار کرنے والوں سے پائی پائی کا حساب لیا جائے گا۔ سیاسی بنیادوں پر قائم ہونے والے تمام مقدمات ختم کردیئے جائیں گے۔ ان خیالات کا اظہار انہوں نے رائے ونڈ چوک اور لمبے جاگیر میں مسلم لیگی کارکنوں سے خطاب کرتے ہوئے کیا۔ وزیراعلی نے کہاکہ سابق حکمرانوں کے پیدا کئے گئے مسائل کو عوام کے تعاون سے جلد حل کریں گے۔ اگر ہم شہری اپنی ذمہ داری محسوس کریں تو مشکلات پر قابو پایا جاسکتا ہے۔ انہوں نے کہاکہ حکومت رائے ونڈ کے علاوہ کو خوبصورت بنانے کی کوشش کریں گے اور علاقہ میں واٹر سپلائی کا نیا منصوبہ بھی جلد شروع کیا جائے گا۔ سپیکر پنجاب اسمبلی رانا اقبال احمد خان کی خصوصی دعوت پر وزیراعلی پنجاب جب ان کے آبائی گاؤں لمبے جاگیر پہنچے تو ان کا شاندار استقبال کیا گیا۔