آج کولکتہ نائٹ رائیڈرز اور ممبئی انڈینز مدمقابل ہونگے

کراچی : انڈین پریمیئر لیگ (آئی پی ایل ) میں آج بالی ووڈ کنگ شاہ رخ خان کی کولکتہ نائٹ رائیڈرزکا مقابلہ ممبئی انڈینز سے ہوگا، جیو سوپر ایڈن گارڈنز کولکتہ سے میچ براہ راست نشر کریگا اور جوں جوں آئی پی ایل آگے بڑھ رہی ہے ہر میچ کے ساتھ شائقین کرکٹ کا جوش و خروش بڑھتا جارہا ہے۔ کولکتہ نائٹ رائیڈرزکو گذشتہ میچ میں شکست کا سامنا کرنا پڑا تھا، اسی لیے تمام کھلاڑی آج کے مقابلے میں بہتر پرفارمنس دینے کے لیے پر عزم ہیں۔ دوسری جانب ممبئی انڈینز کو اپنے پہلے 4میچوں میں شکست کا سامنا کرنا پڑا ہے اور وہ ٹورنامنٹ میں پہلی فتح کی منتظر ہے۔ کرکٹ کے دیوانوں کو توقع ہے کہ یہ معرکہ انتہائی دلچسپ اور سنسنی خیز ہوگا۔ میچ پاکستانی وقت کے مطابق شام ساڑھے 7بجے شرو ع ہوگا۔