افغانستان میں جرگے میں خود کش حملے میں ٦٠ افراد ہلاک اور متعدد زخمی ہو گئے

کابل ۔ افغانستان میں جرگے میں خود کش حملے میں 60افراد ہلاک اور متعدد زخمی ہو گئے ہیں اطلاعات کے مطابق افغانستان کے صوبے نگرہار میںجلال آباد کے قریب خوگیانو کے علاقے میں امن و امان کے قیام کے لئے ہو نے والے جرگے میں خود کش دھماکے سے 60 افراد جاں بحق ہو گئے بتایا جاتا ہے کہ جرگے میں 100 سے زائد افراد شریک تھے کہ ایک خود کش حملہ آور نے جرگے کے درمیان آ کر خود کو دھماکے سے اڑا دیا جس کے نتیجہ میں 60 افراد ہلاک ہو گئے ذرائع کے مطابق اس سے بھی زیادہ ہلاکتوں کا خدشہ ہے اور اس واقعہ میں 26 کے قریب زخمی بھی ہیں جن میں زیادہ ترکی حالات خطر ناک بتائی جاتی ہے