دوبئی مذاکرات کی کامیابی سے ایوان صدر کی سازشیں ناکام ہو گئیں ۔شہباز شریف

دوبئی ۔ پاکستان مسلم لیگ ن کے صدر میاں شہباز شریف نے کہا ہے کہ دوبئی میں ہو نے والے مذاکرات کی کامیابی سے ایوان صدر میں ہو نے والے سازشیں ناکام ہو گئی ہیں ایک نجی ٹی وی سے گفتگو کر تے ہوئے انہو ںنے کہا کہ دونوں رہنماؤں کے درمیان ہو نے والے مذاکرات کے تینوں دور انتہائی کامیابی سے ہوئے ہیں اور دونوں رہنماؤں نے انتہائی دانشمندی اور سیاسی بصیرت کا مظاہرہ کیا ہے اور مذاکرات انتہائی خوشگوار ماحول میں ہوئے ہیں مذاکرات کی کامیابی کے لئے دونوں رہنماؤں نے بھرپور کر دار ادا کیا ہے انہوں نے کہا کہ ججز ضرور بحال ہوں گے اور اعلان مری کے مطابق ہی ہوں گے ایوان صدر کی سازشیں دم توڑ جائیں گی ججز بھی بحال ہوں گے اور اتحاد بھی بر قرار رہے گا انہوں نے کہا کہ ججز کی بحالی عوام امنگوں کے مطابق ہو گی عوام جلد خوشخبری سنیں گے۔