ساہیوال:دو اشتہاری مجرم پولیس مقابلے میں ہلاک

ساہیوال . . . ساہیوال میں بارہ افراد کے قتل،خواتین سے زیادتی اور ڈکیتی میں ملوث دو اشتہاری مجرم پولیس مقابلے میں ہلاک ہوگئے۔ایس پی انویسٹی گیشن ڈاکٹر رضوان نے پریس کانفرنس میں بتایا کہ شہباز کے سر قیمت پانچ لاکھ روپے مقرر کی گئی تھی ۔انہوں نے بتایا کہ شہباز گزشتہ رات اپنے ایک ساتھی اللہ رکھا کے ساتھ تھانہ ڈیرہ رحیم کے علاقہ میں داخل ہوا اور ایک کانسٹیبل سے موٹر سائیکل چھین کر فرار ہو گیا۔بروقت اطلاع ملنے پر پولیس نے دونوں ڈاکوؤں کا تعاقب کیا اور چک185 کے قریب دونوں پولیس مقابلے میں مارے گئے۔مقابلے میں حصہ لینے والے ایس ایچ او کو پانچ ہزار دیگر ملازمین کو ایک ایک ہزار روپے انعام اور انھیں اگلے عہدہ پر ترقی دے دی گئ ہے۔