متحدہ سے شراکت اقتدار کا فارمولا ابھی طے نہیں ہوا، نفیس صدیقی

کراچی : پاکستان پیپلزپارٹی سندھ کے جنرل سیکریٹری نفیس صدیقی نے کہا ہے کہ متحدہ قومی موومنٹ سے شراکت اقتدار کا فارمولا ابھی طے نہیں ہوا ہے ۔ دونوں جماعتوں میں مذاکرات کا عمل جاری ہے، پیپلزپارٹی قومی مفاہمت کے لئے تمام سیاسی قوتوں کو ساتھ لیکر چلنا چاہتی ہے یہ بات انہوں نے منگل کو اپنی رہائشگاہ پر پریس کانفرنس سے خطاب کرتے ہوئے کہی ۔ اس موقع پر پی پی سندھ کے قائم مقام سیکریٹری اطلاعات وقار مہدی پی پی کراچی کے صدر فیصل رضا عابدی اور کراچی کے سیکریٹری اطلاعات سعید غنی بھی موجود تھے ۔ نفیس صدیقی نے کہا کہ پیپلزپارٹی آزاد اور خود مختار عدلیہ پر یقین رکھتی ہے، تمام ججز کو بحال کیا جائے گا اور ایک آئینی پیکیج دے رہے ہیں جس سے عام آدمی کو انصاف مل سکے گا پارلیمنٹ کو بالا دست اور تمام اداروں کو مضبوط بنایا جائے گا اس کے لئے تمام سیاسی جماعتوں سے کہتے ہیں کہ وہ ہمارا ساتھ دیں۔